كونی أنتی
اوعی حد يغيرك أو يسحب طاقتك كل يوم
اسألی نفسك الصبح فی نور الشمس أنتی مين ؟
وعايزة من الدنيا ايه ؟
حبی راجل
حبيه اوی مهما حصل اهزمی الخوف أن الحب بيموت
حتی لو خلص هيتولد احساس بقوة اكبر لراجل غيره
دايما حبى
البسی كل اللی يريحك،
البسی ألوان كتير ولبس مريح الكون ملكك
حبی جسمك اتخلقتی أجمل مخلوق علی الارض
العبی رياضة وكلی اللی تحبيه
- احضنی البشر من جوا قلبك وخليكی قوية
ابعدی عن كل الطاقة والبشر السلبية
عبری عن رأيك بصوت عالی مهما حصل ماتكدبيش
اوعی تكدبی ابدا فتتغيری وتضيعي من نفسك
اقری القراية قوة ودماغ شغالة
ماتشليش فيشة عقلك وتبقی مربوطة فی ساقية
اتعلمی واقری وسافری
واتفرجی علی الكون بقلب وعين مفتوحين
اطبخی واكلی حبايبك
غذيهم حب هيطمر فيهم الهنا احضنيهم
اسمعی مزيكا وسرحی شعرك واسجدی وسبحی كتير
قوی الروح اللی جواكی
ارتبطی بالزرع والسما ونور الشمس
وسيبی الناس والتليفزيون والفيسبوك
ماتفكريش مين مات ومين مرض ومين تاه ومين رجع
الكون له رب بيمشيه ونظام متزن وأنتی بس جزء من الدايرة
قوی الحبل اللی بينك وبين ربنا علشان ماتوهيش
هتتخذلوا من ناس كتير وربنا هيعوضكم بالاحسن
و الانضف منهم
اهم حاجة انكوا تخرجوا من كل قصة كسبانين اصلكم الطيب
ومعدنكم الاصيل
هتلاقوا ناس من ربنا عوض ليكم تكمل معاكم
ناس بتسال عليكم ويتطمنوا ويقفوا معاكم
وقت الشدة والمحنه بدون اي مصلحة تجمعكم
دايما ربنا لما بيبعد عنك حاجه
بيعوضك بحاجه احلي منها بس الصبر
العلاقات الإنسانية معمولة عشان نرتاح ونتبسط
عشان نحكي براحتنا ونقول اللي جوانا
عشان لما نتخنق نجري نتصل بيهم
من غير ما نشيل هم انهم هيلومونا
ويقولوا علينا مبيفتكروناش غير في المشاكل
عشان لما نبقى مش قادرين نشوف حد
او نرد على حد يفهمونا..
ولما نرجع وسطهم تاني يتعاملوا معانا كإن محصلش حاجة
عشان نتكلم معاهم من غير ما نفكر في الكلام مليون مرة
قبل ما نقول حرف منه
عشان نحكي معاهم في كل اللي قانون "مينفعش"
مانعنا نقوله او حتى نحس بيه
عشان نبقى على طبيعتنا معاهم
وعادي نسمح لملامحنا تاخد نفس شكل اللي جوانا
العلاقات الإنسانية موجودة عشان نكمل بعض
عشان نملى بعض طاقة إيجابية
عشان نفرح بعض وقت الزعل ونقوي بعض وقت الضعف
ونضحك بعض وقت البكا
عشان لما نشوف رقمهم نفرح
ولما نقابلهم نحس اننا مرتاحين
ولما نحكي معاهم نحس اننا خلصنا م الهم والتفكير
احنا موجودين في حياة بعض عشان نسعد
ونساعد ونساند ونريح بعض
مش عشان ننكد ونكسر في بعض
دع عنك القتال هذه الليلة وأخبر ربكَ أنك متعب
وأخبره بأنك تائه ترتجي نوره
وأنك حائر لا ينصفك الكلام
أَقِر له بعجزك وأنه وحده القادر
وأخبره بأن الأحزان باتت تملأ القلب
وأن الآلام تحيط بك من كل جانب
وأن كثيراً من أحلامك بت تراها أمامك كالسراب
وأخبره عن الأشواق التي تهدّ كل ذرة من كيانك
وأخبره أنك هائم تبحث عن السكينة والطمأنينة
خاطبه وألِح عليه ليهِبك طمأنينة القلب وسكينة الروح
وأخبِره بضعفك وحاجتك إليه
قل له أنا عبدك الضعيف يا رب أُشهدك أني رضيت
ولكني يا رب من فَرطِ ضعفي بكيت
