اللي عيط علي عياطي غير اللي قالي
كبر فتره و هتعدي
غير اللي وقف قدامي و مسح دموعي
غير اللي خلاني من قسوة كلامه اعيط
غير اللي ساعدني اني اضحك
غير اللي معايا بس و انا بضحك
غير اللي حكيتلوا علي كل وجعي علشان يسندني
و يخفف عني و ف الاخر هو اول حد باعني
و حط عليا وجع اكتر من وجعي
غير اللي قابلني زي مانا حتي لو متغير
غير اللي سابني لمجرد اني بهت
و مبقاش فياا حيل لحاجه
عموماً يعني اللي موجود في اي وقت
غير اللي موجود وقت الفرح و الضحك و بس
الحنية و الطبطبة دول فِطرة
الإنسان العطوف الطيب
اللي بيعرف يقول " متزعلش " و "
خلي بالك على نفسك "
اللي بيمسح على كتفك و راسك
وأما يشوفك بتعيط ياخدك في حضنه و يواسيك
اللي دايمًا يقولك " في ايه مالك
انا جنبك متقلقش هنعدي المحنه دي سوا
احكي ليا براحة بس " ده بجد نعمة من ربنا
مش أي حد عنده القدرة دي
في ناس عندهم جمود تجاه الآخرين
حتى لو متأثرين من جواهم .. مبيعرفوش يهوِّنوا
مبيعرفوش يطبطبوا او يسمعوا
مبيعرفوش يخترقوا الجبل و الهم اللي فوق الروح
ويخلوك تحكي وتتكلم
العواطف صعب تُكتسب .. الرحمة و المودة مبيتمثلوش
دي متلازمة في الانسان بتكبر معاه
زي صوته وشكله ولونه
دوروا على ناس حنينة من جواها
ناس شبهكم .ناس تخفف عنكم
دول رزق في الدنيا ورزق من ربنا
مش كل ولاد الناس ولاد اصول
كلنا ولاد ناس بس مش
كلنا ولاد اصول
